ᐃᑉᐱᒍᓱᓪᓚᕆᑉᐲᑦ ᐊᑐᓕᖅᑎᑦᑎᖃᑦᑕᕆᐊᔅᓴᖅ ᓯᓚᑦᑐᓴᕐᕕᒻᒥ ᐃᓕᓐᓂᐊᖃᑦᑕᓂᕐᒥᒃ ᓄᓇᕗᒻᒥ?
ᐃᓚᒋᔭᐅᓚᐅᕆᑦ ᐅᕙᑦᑎᓐᓄᑦ ᑲᑭᕙᒃ ᑲᑐᔾᔨᖃᑎᒌᒃᑯᓐᓂ, ᑐᑭᓯᐅᒪᑦᑎᐊᕐᓃᑦ ᐃᖅᑲᓇᐃᔭᖅᑐᓕᕆᓂᕐᒥᒃ ᐊᒻᒪᓗ ᐃᑉᐱᒍᓱᓪᓚᕆᓐᓃᑦ ᐃᓐᓇᕐᓂᑦ ᐃᓕᓐᓂᐊᖃᑦᑕᕆᐊᓕᓐᓂᑦ ᐊᑑᑎᑎᑦᑎᔪᓐᓇᑎᐊᕐᖓᑦ ᒪᑭᑕᑎᑦᑎᓂᕐᒥᒃ ᓯᓚᑦᑐᓴᕐᕕᒻᒥ ᐃᓕᓐᓂᐊᑎᑦᑎᖃᑦᑕᓂᕐᒥᒃ ᕿᑭᖅᑕᓂ ᓄᓇᓕᓐᓂᑦ ᐃᓄᓐᓂᑦ. ᐃᖅᑲᓇᐃᔭᖅᑎᓴᕐᓯᐅᕋᑦᑕ ᐱᓕᕆᐊᔅᓴᓕᕆᔨᓪᓗᐊᑕᐅᓂᐊᖅᑐᒥᒃ ᐃᖅᑲᓇᐃᔭᖅᑎᐅᖃᑕᐅᓂᐊᖅᑐᒥᒃ ᐃᓕᓐᓂᐊᕐᓂᖅ ᖁᕝᕙᓯᓐᓂᕐᓴᒥᒃ ᐃᓕᓐᓂᐊᓂᕐᒧᑦ ᐊᓪᓚᕕᒻᒥ ᐊᒻᒪᓗ ᐊᖏᕐᓯᒪᑦᑎᐊᖅᑐᒥᒃ ᐃᑲᔪᖃᑦᑕᕈᒪᕐᓂᒥᒃ ᓯᓚᑦᑐᓴᕐᕕᒻᒥ ᐃᓕᓐᓂᐊᖃᑦᑕᓂᕐᒥᒃ ᐱᔨᑦᑎᕋᐅᑎᖃᖃᑦᑕᓂᐊᕐᖓᑦ ᐃᑲᔫᑎᐅᕙᑦᑐᓂᑦ ᐱᓕᕆᐊᓂᑦ, ᐃᑲᔪᖅᑎᒌᖃᑦᑕᕐᓗᑎᒃ ᑲᑐᔾᔨᖃᑎᒌᓂᑦ, ᐊᒻᒪᓗ ᑐᑭᒧᐊᑦᑎᑦᑎᖃᑦᑕᓂᕐᒥᒃ ᐱᓇᓱᐊᕈᑕᐅᔪᓂᑦ.
ᔭᖅᑎᓴᕐᓯᐅᖅᑐᒍᑦ ᐃᒪᐃᑦᑐᓂᒃ:
- ᑭᒃᑯᑐᐃᓐᓇᕐᓂᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᓂᕐᒥ ᐱᔭᕇᕐᓯᓯᒪᔪᓂᑦ ᐃᖅᑲᓇᐃᔭᖅᑐᓕᕆᓂᕐᒥᒃ, ᐃᓐᓇᕐᓂᑦ ᐃᓕᓐᓂᐊᕐᓂᓕᕆᓂᕐᒥᒃ, ᐅᕝᕙᓘᓐᓃᑦ ᑕᒪᑐᒪ ᒥᔅᓵᓅᖓᔪᓂᑦ ᐃᓕᓐᓂᐊᕈᑕᐅᓲᓂᑦ, ᐅᕝᕙᓘᓐᓃᑦ ᑕᒪᒃᑯᐊ ᒥᔅᓵᓄᑦ ᐃᓕᓐᓂᐊᖃᑦᑕᕐᓯᒪᔪᓂᑦ (3 ᐊᕐᕌᒍᑦ) ᐱᓕᕆᐊᕐᒥ ᐱᔨᑦᑎᕋᐅᑎᖃᕐᓂᕐᒥ ᐅᕝᕙᓘᓐᓃᑦ ᐃᖅᑲᓇᐃᔮᔅᓴᓅᖓᔪᓂᑦ ᐱᔨᑦᑎᕋᐅᑎᖃᖃᑦᑕᓂᕐᒥᒃ.
- ᐃᖅᑲᓇᐃᔮᖅᑖᕋᓱᑦᑐᑦ ᑐᑭᓯᐅᒪᑦᑎᐊᖅᑐᑦ ᐱᔭᕆᐊᑐᔪᓂᑦ ᐊᑐᖅᑕᐅᕙᑦᑐᓂᑦ ᕿᑭᖅᑕᓂ ᓄᓇᓕᓐᓄᑦ ᐃᓄᓐᓄᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖃᑦᑕᕈᒪᔪᓄᑦ ᐊᒻᒪᓗ ᐱᓕᕆᖃᑎᒋᔪᓐᓇᕐᓗᒋᑦ ᐊᒻᒪᓗ ᑐᑭᓯᐅᒪᖃᑦᑕᐅᑎᖃᑎᒋᔪᓐᓇᕐᓗᒋᑦ.
- ᐊᑐᕈᓐᓇᑎᐊᕐᓗᓂ ᖃᕋᓴᐅᔭᕐᓂᑦ ᑎᑎᖅᑭᕆᔾᔪᑎᓂᑦ ᐊᒻᒪᓗ ᓈᓴᐅᓯᕆᔾᔪᑎᐅᓲᓂᑦ ᖃᕋᓴᐅᔭᒃᑯᑦ,
- ᐱᓕᕆᖃᑎᖃᕈᓐᓇᑎᐊᕐᓗᓂ, ᓈᓚᒍᓐᓇᑎᐊᕐᓗᓂ, ᐊᒻᒪᓗ ᑐᑭᓯᐅᒪᖃᑦᑕᐅᑎᖃᑎᖃᕈᓐᓇᑎᐊᕐᓗᓂ.
- ᑐᑭᓯᐅᒪᑦᑎᐊᕐᓗᓂ ᕿᑭᖅᑕᓂ ᐃᖅᑲᓇᐃᔭᖅᑎᓂᑦ, ᐃᓕᓐᓂᐊᕐᕕᐅᕙᑦᑐᓂᑦ ᑎᒥᐅᔪᓂᑦ, ᐊᒻᒪᓗ ᓯᓚᑦᑐᓴᕐᕕᒻᒥ ᐃᓕᓐᓂᐊᓂᕐᒥ ᐊᑐᖅᑕᐅᕙᑦᑐᓂᑦ.
- ᓇᒻᒥᓂᖅ ᐃᖅᑲᓇᐃᔭᕈᓐᓇᑎᐊᕐᓗᓂ, ᐋᖅᑭᔅᓱᐃᔪᓐᓇᑎᐊᕐᓗᓂ ᐊᒻᒪᓗ ᐅᓂᒃᑳᕈᓐᓇᑎᐊᕐᓗᓂ.
ᐃᑲᔫᑎᒋᕙᑦᑕᕗᑦ ᒪᑯᐊ ᐊᑐᐃᓐᓇᐅᑎᑕᕗᑦ:
- ᐱᕕᖃᖅᑎᑦᑎᓂᖅ ᐃᑲᔪᓪᓚᑦᑖᖃᑦᑕᓂᐊᕐᖓᑦ ᓯᓚᑦᑐᓴᕐᕕᒻᒧᑦ ᐃᓕᓐᓂᐊᕆᐊᕐᐸᑦᑐᓂᑦ ᐃᑲᔪᖃᑦᑕᕐᓗᓂ ᑮᓇᐅᔭᓂᑦ ᑐᔅᓯᕋᐅᓯᐅᕈᑎᓂᑦ, ᐱᓕᕆᐊᕐᒥ ᐱᕙᓪᓕᐊᑎᑦᑎᓂᕐᒥᒃ, ᐊᒻᒪᓗ ᐃᑲᔪᖅᑎᒌᓪᓗᑎᒃ ᑲᑐᔾᔨᖃᑎᖃᑎᖃᖃᑦᑕᕐᓗᓂ ᐃᓕᓐᓂᐊᕐᕕᕙᑦᑐᓂᑦ ᑎᒥᐅᔪᓂᑦ.
- ᐊᔾᔨᒌᙱᑐᒡᒍᑎᓂᑦ ᐃᖅᑲᓇᐃᔮᖃᖃᑦᑕᕋᔭᖅᑐᖅ ᐊᐅᓪᓗᔾᔨᖃᑦᑕᕐᓗᓂ ᐊᑑᑎᖃᕐᓂᖏᓐᓂᒃ ᓯᓚᑦᑐᓴᕐᕕᒻᒥ ᐃᓕᓐᓂᐊᓂᕐᒧᑦ ᐃᑲᔫᑎᐅᕙᑦᑐᓂᑦ ᐊᒻᒪᓗ ᐃᑲᔪᖃᑦᑕᕐᓗᓂ ᐱᔭᕇᕐᓯᑦᑎᐊᖃᑦᑕᖁᓪᓗᒋᑦ ᐃᓕᓐᓂᐊᖅᑏᑦ ᐃᓕᓐᓂᐊᕈᑎᒋᓂᐊᖅᑕᖏᓐᓂᒃ.
- ᑮᓇᐅᔾᔭᔅᓵᕆᖃᑦᑕᓂᐊᖅᑕᖏᑦ ᑕᒫᓃᑦᑐᑦ $94,563 – $118,204 ᐊᒻᒪᓗᑦᑕᐅᖅ ᐅᑭᐅᖅᑕᖅᑐᒥᐅᑕᐅᓂᕐᒧᑦ
- ᐃᑲᔫᓯᐊᖅᑖᖃᑦᑕᓂᐊᕐᒥᔪᖅ ᐊᒥᓲᓂᓕᓐᓂᑦ $27,600.
- ᑮᓇᐅᔾᔭᔅᓵᖏᑦ ᐃᑲᔫᓯᐊᖅᑖᕆᖃᑦᑕᓂᐊᖅᑕᖏᓪᓗ ᑮᓇᐅᔾᔭᔅᓴᐅᑎᒋᖃᑦᑕᓂᐊᖅᑕᖏᑦ ᒪᓕᓪᓗᒋᑦ ᑲᒪᒋᔭᖃᖃᑦᑕᕐᓂᖓᓂᒃ, ᕿᑲᕆᐊᕈᑎᔅᓴᓂᑦ ᐃᑲᔫᓯᐊᖅᑖᖃᑦᑕᕐᓗᓂ, ᐋᓐᓂᐊᖅᑐᓕᕆᔭᐅᓂᕐᒧᑦ ᑭᒍᓐᓂᐊᖅᑕᐅᓂᕐᒧᑦ ᓇᓪᓕᐅᒃᑯᒫᖃᕐᓗᓂ, ᐊᒻᒪᓗ ᐃᓄᑐᖃᐅᓕᖅᑲᑦ ᐃᑲᔫᓯᐊᔅᓴᖏᓐᓄᑦ ᐲᔭᐃᑎᑕᐅᖃᑦᑕᕐᓗᓂ.
- ᐃᖅᑲᓇᐃᔭᖅᑎᓄᑦ ᐃᓪᓗᓴᖅᑕᖃᙱᑦᑐᖅ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ. ᓯᕗᓪᓕᐅᔾᔭᐅᓂᐊᖅᑐᑦ ᐃᓄᐃᑦ ᐃᖅᑲᓇᐃᔮᖅᑖᕋᓱᑦᑐᑦ.
ᐃᓚᒋᔭᐅᓚᐅᕆᑦ ᐅᕙᑦᑎᓐᓄᑦ! ᐃᑲᔪᓚᐅᕆᑦ ᐅᕙᑦᑎᓐᓂᒃ ᐊᑐᓕᖅᑎᑦᑎᕙᓪᓕᐊᓂᕐᒥᒃ ᑭᖑᓪᓕᐅᓂᐊᖅᑐᓂᑦ ᓯᕗᓕᖅᑎᔅᓴᓂᑦ ᓴᖅᑭᔮᖅᑎᑦᑎᓂᒃᑯᑦ ᐃᓯᕈᑕᐅᔪᓐᓇᖅᑐᓂᑦ ᐃᓕᓐᓂᐊᓂᕐᒧᑦ ᐊᒻᒪᓗ ᐃᑲᔪᖅᑎᓪᓗᑕ ᐃᓕᓐᓂᐊᓂᕐᒧᑦ ᐃᖅᑲᓇᐃᔮᔅᓴᓄᓪᓗ ᑐᕌᒐᖏᓐᓄᑦ.
RESUMES@KAKIVAK.CA
ᐊᐱᕐᓱᕈᒪᒐᔭᖅᑕᕗᑦ ᑭᓯᐊᓂ ᐅᖃᕐᕕᐅᖃᑦᑕᓂᐊᕐᒥᔪᑦ.