ᐃᖅᑲᓇᐃᔭᕐᕕᐅᑉ ᐃᓗᐊᓂ/ᓯᓚᑖᓂ ᐱᓇᔪᒃᑕᐅᔪᓐᓇᖅᑐᑦ
ᐃᖅᑲᓇᐃᔮᖅ: ᓇᖕᒥᓂᖃᕐᓂᕐᒧᑦ ᐱᕙᓪᓕᐊᔪᓕᕆᔨ
ᐱᓕᕆᕝᕕᒃ: ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᓂᖅ
ᖃᓄᖅ ᐊᑯᓂᐅᑎᒋᓂᖓ: ᓇᓗᓇᐃᖅᑕᐅᓯᒪᙱᑦᑐᖅ ᓇᓃᓐᓂᖓ: ᐃᖃᓗᐃᑦ, ᓄᓇᕗᑦ
ᐅᒃᑯᐃᖓᔪᖅ: ᐃᓄᐃᑦ ᓄᓇᕗᒻᒥ ᐊᖏᕈᑏᑦ ᐊᑐᕐᓗᒋᑦ ᐱᔪᒥᒋᔭᐅᓂᖅᓴᐅᔪᑦ
ᒪᑐᕝᕕᒃᓴᖓ: ᓯᑎᐱᕆ 15, 2026
ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᒃ ᐱᓕᕆᖃᑕᐅᔪᒪᓇᔭᖅᐱᑦ ᐊᒻᒪ ᐃᓄᖕᓂᒃ ᐊᓂᒍᐃᖃᑕᐅᔪᒪᓇᔭᖅᐱᑦ? ᖃᐅᔨᒋᐊᕈᒃ ᑖᓐᓇ ᐱᕕᒃᓴᖅ ᑲᑭᕙᒃ ᑲᑐᔾᔨᖃᑎᒌᒃᑯᓐᓂ!
ᐃᓚᐅᕝᕕᒋᑎᒍᑦ ᑲᑭᕙᒃ ᑲᑐᔾᔨᖃᑎᒌᓄᑦ! ᐱᓕᕆᖃᑦᑕᖅᓯᒪᓂᑰᒍᕕᑦ ᓇᖕᒥᓂᕆᔭᐅᔪᓂᒃ ᐱᕙᓪᓕᐊᑎᑦᑎᓂᕐᒥᒃ, ᐃᑲᔪᕈᓐᓇᖅᐳᑎᑦ ᐃᓄᐃᑦ ᓇᖕᒥᓂᖁᑎᖏᓐᓂᒃ ᑲᔪᓯᓂᖃᑦᑎᐊᖁᓪᓗᒋᑦ ᐱᕈᖅᐸᓪᓕᐊᓗᑎᒡᓗ ᕿᑭᖅᑖᓗᖕᒥ. ᕿᓂᖅᐳᒍᑦ ᐱᓕᕆᐊᖃᓪᓚᕆᒍᒪᔪᒥᒃ ᖁᑦᑎᒃᑐᒦᓐᓂᖅᓴᒥᒃ ᓇᖕᒥᓂᕆᔭᐅᔪᓄᑦ ᐱᕙᓪᓕᐊᔪᓕᕆᔨᒥᒃ ᐃᓱᒪᒋᔭᖃᑦᑎᐊᖅᑐᒥᒃ ᐱᕚᓪᓕᖅᑎᑦᑎᓂᕐᒥᒃ ᓄᓇᓕᖕᓂ ᐱᕈᖅᐸᓪᓕᐊᓂᕐᒥᒃ ᖃᓄᐃᙱᑦᑎᐊᕈᓐᓇᕐᓂᕐᒥᒡᓗ ᐃᓄᐃᑦ ᓇᖕᒥᓂᖃᕈᓐᓇᕐᓂᖏᑎᒍᑦ.
ᑭᓇᒥᒃ ᕿᓂᖅᐱᑕ
- ᐃᓄᐃᑦ ᐱᔭᕇᖅᓯᓯᒪᔪᑦ ᐃᓕᓐᓂᐊᕐᕕᐊᓗᒻᒥ ᐅᕝᕙᓘᓐᓃᑦ ᑕᐃᒫᔅᓴᐃᓐᓇᖅ ᐃᓕᓐᓂᐊᕐᓂᖃᖅᓯᒪᔪᑦ.
- ᒪᕐᕉᖕᓂᒃ ᐱᖓᓱᓄᑦ ᐊᕐᕌᒍᓄᑦ ᐱᓕᕆᖃᑦᑕᖅᓯᒪᓂᑰᓗᓂ ᓇᖕᒥᓂᕆᔭᐅᔪᓂᒃ ᐱᕙᓪᓕᐊᑎᑦᑎᓂᕐᒥᒃ, ᐃᓅᓯᓕᕆᓂᕐᒥᒃ, ᐃᑲᔪᖅᑐᐃᓂᕐᒥᒃ ᓇᖕᒥᓂᕆᔭᐅᔪᓂᒃ, ᓄᓇᓕᖕᓂ ᐱᕙᓪᓕᐊᔪᓕᕆᓂᕐᒥᒃ, ᐊᔾᔨᑲᓴᖓᓂᒡᓘᓐᓃᑦ ᐱᓕᕆᕝᕕᒋᔭᐅᕙᒃᑐᓄᑦ−ᑕᐅᑐᒐᖃᓪᓗᐊᑕᕐᓂᕐᒥᒃ ᐱᓕᕆᐊᖃᕐᓂᕐᒥᒃ.
- ᐱᓕᕆᖃᑦᑕᖅᓯᒪᓂᑰᓗᓂ ᐃᑲᔪᕐᓂᕐᒥᒃ ᒥᑭᑦᑐᓂᒃ ᓇᖕᒥᓂᕆᔭᐅᔪᓂᒃ ᓇᖕᒥᓂᕆᔭᐅᔪᓂᒡᓘᓐᓃᑦ ᓲᕐᓗ ᓇᖕᒥᓂᕆᔭᐅᔪᓄᑦ ᐱᕙᒌᔭᕐᓂᕐᒥᒃ, ᑮᓇᐅᔭᖁᑎᒋᔭᐅᔪᓂᒃ, ᑮᓇᐅᔭᓕᕆᔾᔪᑕᐅᕙᒃᑐᓂᒃ, ᑮᓇᐅᔭᐃᑦ ᓇᒧᙵᖅᐸᓪᓕᐊᕙᖕᓂᖏᓐᓂᒃ, ᓂᐅᕐᕈᑎᖃᕐᓂᕐᒧᑦ, ᓚᐃᓴᓐᓯᑖᖅᑎᑦᑎᓂᕐᒧᑦ, ᒪᓕᒋᐊᖃᖅᐸᒃᑐᓄᑦ, ᑭᒃᑯᑐᐃᓐᓇᓄᓪᓗ ᓇᖕᒥᓂᕆᔭᐅᔪᓄᑦ ᐊᐅᓚᑦᑎᓂᕆᔭᐅᕙᒃᑐᓄᑦ.
- ᑲᑎᖃᑎᖃᖅᐸᒡᓗᑎᑦ ᓄᓇᓕᖕᓂᒃ, ᓇᖕᒥᓂᖃᖅᑎᓂᒃ, ᒐᕙᒪᒃᑯᑦ ᑐᑦᑕᕐᕕᖏᓐᓂᒃ, ᐊᓯᖏᓐᓂᒡᓗ ᓇᖕᒥᓂᕆᔭᐅᔪᓂᒃ ᐃᑲᔪᖅᑐᐃᔨᓂᒃ.
- ᖃᐅᔨᒪᓗᓂ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ, ᐃᓕᖅᑯᓯᖏᓐᓂᒃ, ᐅᖃᐅᓯᖏᓐᓂᒃ, ᐱᖅᑯᓯᖏᓐᓂᒃ, ᐊᒻᒪ ᑮᓇᐅᔭᓕᐅᕋᓱᖕᓂᕐᒧᑦ ᐱᕙᓪᓕᐊᓂᕐᒧᓪᓗ ᐱᕕᒃᓴᐅᔪᓐᓇᖅᑐᓂᒃ ᓄᓇᕗᒻᒥ, ᐃᓄᒃᑎᑐᑦ ᐅᖃᕈᓐᓇᑦᑎᐊᕐᓂᖅ ᐱᕚᓪᓕᕈᑕᐅᕐᔪᐊᕋᔭᖅᐳᖅ.
- MS Word−ᒥᒃ ᐊᑐᕈᓐᓇᑦᑎᐊᕐᓗᓂ, ᑮᓇᐅᔭᓕᕆᔾᔪᑎᓂᒃ ᐊᒻᒪ ᓈᓴᐅᓯᕆᔾᔪᑎᓂᒃ, ᐊᒻᒪᓗᑦᑕᐅᖅ ᐊᐅᓚᑦᑎᔪᓐᓇᕐᓗᓂ ᑎᑎᖅᑲᓂᒃ ᐊᒻᒪ ᑐᓴᒐᒃᓴᓂᒃ ᑲᑎᖅᓱᐃᕝᕕᒃ ᖃᕋᓴᐅᔭᒃᑯᑦ.
ᖃᓄᐃᓕᐅᕋᔭᕐᒪᖔᖅᐱᑦ
- S ᐃᑲᔪᕐᓗᒋᑦ ᐃᓄᐃᑦ ᓇᖕᒥᓂᖁᑎᓖᑦ ᒥᑭᑦᑐᓪᓗ ᓇᖕᒥᓂᕆᔭᐅᔪᑦ ᖃᐅᔨᓇᓱᒡᓗᒋᑦ ᑭᓱᓂᒃ ᐱᔭᕆᐊᖃᕐᒪᖔᑕ, ᕿᒥᕐᕈᓗᒋᑦ ᐱᓕᕆᐊᒃᓴᑦ ᐱᔨᑦᑎᕋᐅᑎᓪᓗ ᐊᑐᕈᓐᓇᖅᑕᖏᑦ, ᐅᖃᐅᔾᔪᖅᐸᒡᓗᒋᓪᓗ ᐊᑐᖅᑕᐅᑦᑎᐊᕈᓐᓇᖅᑐᓂᒃ ᑭᖑᓪᓕᕐᒥ ᐱᓕᕆᐊᖑᔪᒃᓴᓂᒃ ᐱᒋᐊᖅᑎᑦᑎᓂᕐᒧᑦ, ᐱᕈᖅᑎᑦᑎᓂᕐᒧᑦ, ᐊᖏᒡᓕᒋᐊᖅᑎᑦᑎᓂᕐᒧᓪᓘᓐᓃᑦ ᓇᖕᒥᓂᕆᔭᒥᓂᒃ.
- ᓇᖕᒥᓂᕆᔭᐅᔪᓄᑦ ᐅᖃᐅᔾᔪᖅᓱᐃᕙᒡᓗᓂ ᐊᒻᒪ ᖃᕋᓴᐅᔭᓕᕆᔾᔪᑎᓂᒃ ᐃᑲᔪᖅᑐᐃᕙᒡᓗᓂ ᓲᕐᓗ ᓇᖕᒥᓂᕆᔭᐅᔪᓂᒃ ᐸᕐᓇᐃᓂᕐᒥᒃ, ᑮᓇᐅᔭᓂᒃ ᐊᑐᖅᑐᒃᓴᓂᒃ, ᑮᓇᐅᔭᓕᕆᔾᔪᑎᓂᒃ, ᑮᓇᐅᔭᓂᒃ ᐊᐅᓚᑦᑎᓂᕐᒥᒃ, ᓂᐅᕐᕈᑎᖃᕐᓂᕐᒥᒃ, ᓚᐃᓴᓐᓯᑖᖅᑎᑦᑎᓂᕐᒥᒃ, ᒪᓕᒋᐊᓕᖕᓂᒃ, ᑮᓇᐅᔭᖃᖅᑎᑕᐅᓂᕐᒧᑦ ᐊᑐᖅᑕᐅᖔᕈᓐᓇᖅᑐᓂᒃ, ᐊᒻᒪ ᑭᓱᑐᐃᓐᓇᓂᒃ ᓇᖕᒥᓂᕆᔭᐅᔪᓂᒃ.
- ᐃᑲᔪᖅᐸᒡᓗᓂ ᐱᓇᔫᑎᓂᒃ, ᑐᒃᓯᕋᐅᑎᓂᒃ, ᐊᒻᒪ ᑮᓇᐅᔭᓕᕆᔾᔪᑎᓂᒃ, ᓲᕐᓗ ᐃᑲᔪᖅᐸᒡᓗᒋᑦ ᐱᔨᑦᑎᕋᖅᑕᑎᑦ ᑕᑕᑎᕆᑎᓪᓗᒋᑦ ᑕᑕᑎᕆᐊᓕᖕᓂᒃ, ᑲᑎᖅᓱᐃᕙᒡᓗᓂ ᑎᑎᕋᖅᓯᒪᔪᓂᒃ ᖃᐅᔨᓴᕈᑎᓂᒃ ᐊᒻᒪ ᐊᑐᓕᖁᔭᐅᔪᓂᒃ, ᐊᒻᒪ ᖃᐅᔨᓴᖅᐸᒡᓗᒋᑦ ᑮᓇᐅᔭᓕᕆᔾᔪᑎᑦ ᖃᓄᐃᓕᖓᓂᖏᑦ ᐅᕝᕙᓘᓐᓃᑦ ᓇᖕᒥᓂᕆᔭᐅᔪᖅ ᖃᓄᐃᑉᐸᓪᓕᐊᖕᒪᖔᑦ.
- ᖃᐅᔨᒋᐊᖃᑦᑕᐃᓐᓇᕐᓗᑎᑦ ᐱᔨᑦᑎᖅᑕᕐᓂᑦ ᐊᒻᒪ ᑎᑎᖅᑲᓕᒫᑦ ᑕᒻᒪᖅᓯᒪᙱᒃᑲᓗᐊᕐᒪᖔᑕ, ᓲᕐᓗ ᐱᔨᑦᑎᖅᑕᑦ ᑎᑎᖅᑲᖁᑎᖏᑦ, ᖃᕆᓴᐅᔭᒃᑯᑦ ᑐᖅᑯᖅᑐᐃᕕᖏᑦ, ᐅᓂᒃᑳᑦ, ᑮᓇᐅᔭᓕᕆᓂᕐᒧᑦ ᑐᒃᓯᕋᖅᑕᐅᔪᑦ, ᐊᓯᖏᓪᓗ ᐸᐃᑉᐹᓕᕆᔾᔪᑏᑦ, ᑭᓱᓕᒫᑦ ᑲᙳᓇᖅᑑᑎᑉᐸᒡᓗᒋᑦ ᑲᙳᓇᖅᑑᑎᓪᓗᒋᓪᓗ.
- ᑐᓴᖅᑕᐅᑎᓪᓗᒍ ᑲᑭᕙᐅᑉ ᐱᓕᕆᐊᒃᓴᖏᑦ ᐊᒻᒪ ᓇᖕᒥᓂᖃᕐᓂᕐᒧᑦ ᐃᑲᔪᖅᓱᐃᔾᔪᑎᑦ ᐊᔾᔨᒌᙱᑦᑐᑎᒍᑦ ᓄᓇᓕᖕᓂ ᑐᓴᐅᒪᑎᑦᑎᓂᕐᒧᑦ ᐱᓇᔪᒃᑕᐅᔪᓄᑦ ᕿᑭᖅᑖᓗᖕᒥ, ᐊᐅᓪᓚᓚᐅᓱᖓᖅᐸᒡᓗᓂ.
ᐊᑭᓕᖅᑕᐅᓂᖅ
ᑮᓇᐅᔾᔭᒃᓵᖅ: $70,990.60 −ᒥᑦ $95,682.95−ᒧᑦ
ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐆᒪᓂᕐᒧᑦ ᑐᓂᔭᐅᒃᑲᓐᓂᖅᐸᒃᑐᖅ $28,925−ᓂᒃ
ᐱᕚᓪᓕᕈᑕᐅᕙᒃᑐᑦ ᐃᓚᖃᖅᐳᑦ ᕿᑲᕆᐊᕐᓂᕐᒧᑦ ᓄᒃᑕᕐᓂᕐᒧᑦ ᑐᓐᓂᖅᑯᑕᐅᕙᒃᑐᓂᒃ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒍᑎᓕᕆᔭᐅᓂᕐᒧᓪᓗ ᐱᕙᒌᔭᖅᑕᐅᓯᒪᔪᓂᒃ, ᐃᓐᓇᖅᓯᐅᑎᑖᖅᑐᖃᖅᐸᖕᓂᖓᓄᓪᓗ.
ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑕᐅᙱᑦᑐᑦ.
ᐱᓇᔪᒍᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕈᓐᓇᖅᐳᑎᑦ: RESUMES@KAKIVAK.CA
ᐃᓄᐃᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.