ᐃᑲᔪᖃᑕᐅᔪᒪᓇᔭᖅᐱᑦ ᐃᓄᐃᑦ ᓇᖕᒥᓂᖁᑎᖏᓐᓂᒃ ᑲᔪᓯᑦᑎᐊᖁᓪᓗᒋᑦ?
ᐃᓚᐅᖃᑕᐅᒋᑦ ᑲᑭᕙᒃ ᑲᑐᔾᔨᖃᑎᒌᓄᑦ, ᐱᓕᕆᖃᑦᑕᖅᓯᒪᓃᑦ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᒃ ᐃᑲᔫᑎᖃᕈᓐᓇᕐᒪᑦ ᑲᔪᓯᑦᑎᐊᕐᓂᕐᒧᑦ ᐱᕈᖅᐸᓪᓕᐊᓂᕐᒧᓪᓗ ᐃᓄᐃᑦ ᓇᖕᒥᓂᖁᑎᖏᓐᓄᑦ ᕿᑭᖅᑖᓗᖕᒥ.
ᕿᓂᖅᑐᒍᑦ ᐱᓕᕆᔪᒪᑦᑎᐊᖅᑐᒥᒃ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᔨᒥᒃ ᐱᓕᕆᐊᖃᕈᒪᑦᑎᐊᖅᑐᒥᒃ ᐃᑲᔪᖅᑐᐃᓂᕐᒥᒃ ᓇᖕᒥᓂᕆᔭᐅᔪᓂᒃ ᒥᑭᑦᑐᓂᒡᓗ ᓇᖕᒥᓂᕆᔭᐅᔪᓂᒃ ᐅᖃᐅᔾᔪᐃᓂᒃᑯᑦ ᑮᓇᐅᔭᑎᒍᓪᓗ ᐃᑲᔪᖅᑐᐃᓂᒃᑯᑦ.
ᑭᒃᑯᓐᓂᒃ ᕿᓂᖅᐱᑕ
ᐃᓄᐃᑦ ᓯᓚᑦᑐᖅᓴᕐᕕᖕᒥ ᐃᓕᑕᕆᔭᐅᔾᔪᑎᑖᖅᓯᒪᔪᑦ ᓂᐅᕐᕈᑎᖃᕈᓐᓇᕐᓂᕐᒥᒃ, ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᒃ, ᐅᕝᕙᓘᓐᓃᑦ ᓄᓇᓕᖕᓂ ᐱᕙᓪᓕᐊᔪᓕᕆᓂᕐᒥᒃ, ᐅᕝᕙᓘᓐᓃᑦ ᐊᔾᔨᐸᓗᖏᓐᓂᒃ ᐱᓕᕆᖃᑦᑕᖅᓯᒪᓂᑰᓗᓂ (ᐅᑭᐅᓄᑦ ᐱᖓᓱᓄᑦ) ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᒃ, ᐱᓗᐊᖅᑐᒥ ᐅᑭᐅᖅᑕᖅᑐᒥ.
ᐱᓇᔪᒃᑐᑦ ᑐᑭᓯᐅᒪᓂᖃᑦᑎᐊᖅᑐᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᕝᕕᖃᖅᐸᖕᓂᕐᒧᑦ ᐊᑐᖅᑕᐅᕙᒃᑐᓂᒃ ᖃᐅᔨᒪᓂᖃᑦᑎᐊᖅᖢᑎᒡᓗ ᑮᓇᐅᔭᓕᐅᕋᓱᖕᓂᕐᒧᑦ ᖃᓄᐃᓕᖓᓂᕆᔭᐅᔪᓂᒃ ᓄᓇᕗᒻᒥ.
ᐱᓇᔪᒃᑐᑦ ᖃᓄᐃᒃᓴᙱᑦᑐᑦ ᐱᓕᕆᖃᑎᖃᕆᐊᒃᓴᖅ ᐊᔾᔨᒌᙱᕈᓘᔭᖅᑐᓂᒃ ᑲᑎᙵᔪᓂᒃ ᐅᖓᓯᒃᑐᒦᑦᑐᓂᒃ ᓄᓇᓕᖕᓂ, ᐱᔪᒥᒋᔭᐅᓂᖅᓴᐅᓗᑎᒃ ᑕᐃᒃᑯᐊ ᐃᓄᒃᑎᑐᑦ ᐅᖃᕈᓐᓇᑦᑎᐊᖅᑐᑦ.
ᑭᓱᒥᒃ ᒪᓂᒪᑎᑦᑎᕙᖕᒪᖔᑦᑕ
ᐊᔾᔨᐅᙱᑦᑐᒥᒃ ᐱᕕᒃᓴᒥᒃ ᐱᔨᑦᑎᕋᑲᐅᑎᒋᔪᓐᓇᕐᓂᕐᒥᒃ ᑭᒃᑯᑐᐃᓐᓇᓂᒃ ᐃᑲᔪᕐᓂᒃᑯᑦ ᐃᓄᖕᓂᒃ−ᓇᖕᒥᓂᕆᔭᐅᔪᓂᒃ ᐱᕙᒌᔭᕐᓂᕐᒥᒃ, ᑮᓇᐅᔭᖃᖅᑎᑦᑎᓂᕐᒥᒃ, ᐊᖏᒡᓕᒋᐊᖅᑎᑦᑎᓂᕐᒥᒡᓗ.
ᐆᒻᒪᕆᒃᑐᖅ ᐃᖅᑲᓇᐃᔮᖅ ᑕᐅᑐᒐᖃᓪᓗᐊᑕᖅᑐᖅ ᒪᓂᒪᑎᑦᑎᓂᕐᒥᒃ ᐊᑑᑎᖃᑦᑎᐊᖅᑐᓂᒃ ᐃᑲᔪᕐᓂᕐᒥᒃ ᐱᕚᓪᓕᖅᑎᑦᑎᓂᕐᒥᒃ ᓇᖕᒥᓂᕆᔭᐅᔪᒥᒃ ᑲᔪᓯᓂᖃᑦᑎᐊᕐᓂᕐᒥᒃ, ᑕᐅᑐᒐᖃᓪᓗᐊᑕᕐᓗᓂ ᓇᖕᒥᓂᖃᖅᑎᓂᒃ ᐱᒋᐊᓕᓵᖅᑐᓂᒃ ᐊᖏᒡᓕᒋᐊᖅᑎᑦᑎᓂᕐᒥᒡᓘᓐᓃᑦ ᓇᖕᒥᓂᕆᔭᒥᓂᒃ.
ᑮᓇᐅᔾᔭᒃᓵᖓ $65,987−ᒥᑦ $88,940.02−ᒧᑦ ᐅᑭᐅᖅᑕᖅᑐᒥᐅᑕᐅᓂᖓᓄᓪᓗ ᐃᑲᔫᓯᐊᖅᐸᒡᓗᓂ $27,600−ᒥᑦ.
ᐊᑭᓕᖅᑕᐅᔾᔪᑎᑦ ᐃᑲᔫᑎᓪᓗ ᐃᓚᖃᕐᓂᐊᖅᑐᑦ ᑮᓇᐅᔾᔭᒃᓵᓂᒃ ᒪᓕᒡᓗᑎᒃ ᐱᓕᕆᖃᑦᑕᖅᓯᒪᓂᑯᖏᓐᓂᒃ, ᐊᒻᒪᓗ ᕿᑲᕆᐊᕐᓂᕐᒧᑦ ᐊᐅᓪᓚᕐᓂᕐᒧᑦ ᐊᑭᓕᐅᑎᓂᒃ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒍᑎᓕᕆᔭᐅᓂᕐᒧᓪᓗ ᓇᓪᓕᐅᒃᑯᒫᓂᒃ, ᐊᒻᒪᓗ ᐃᓐᓇᖅᓯᐅᑎᒃᓴᓄᑦ ᐸᕐᓇᐅᑎᓂᒃ.
ᐃᓱᓕᕝᕕᒃᓴᖓ ᐱᓇᔪᖕᓂᐊᕐᓗᓂ ᐄᐳᓪ 3, 2026
ᐃᖅᑲᓇᐃᔭᖅᑎᓄᑦ ᐃᓪᓗᖃᖅᑎᑕᐅᖏᑦᑐᑦ ᓇᓕᐊᓐᓄᑐᐃᓐᓇᖅ ᐃᖅᑲᓇᐃᔮᒧᑦ. ᐃᓄᐃᑦ ᐱᓇᔪᒃᑐᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᖃᓗᖕᓃᑉᐳᖅ, ᓄᓇᕗᒻᒥ.
ᒫᓐᓇ ᐱᓇᔪᒋᑦ! ᑐᑭᖃᑦᑎᐊᖅᑐᒥᒃ ᐊᒃᑐᖅᓯᓂᖃᕈᓐᓇᖅᐳᖅ ᐊᔪᖅᓴᙱᓐᓂᖏᓐᓄᑦ ᓄᓇᓖᑦ. ᐃᑲᔪᕆᑦ ᑕᐅᑐᙳᐊᖅᑕᐅᔪᓂᒃ ᓴᖅᑭᑎᑦᑐᒪᓪᓗᑎᒍᑦ ᓴᙱᓂᖅᑖᖅᑎᑦᑎᓂᒃᑯᑦ ᓄᓇᓕᖕᓂ ᓇᖕᒥᓂᕆᔭᐅᔪᓂᒃ ᐅᔾᔨᕐᓇᖅᓯᑎᑦᑎᓂᕐᒥᒡᓗ ᑲᔪᓰᓐᓇᕈᓐᓇᖅᑐᒥᒃ ᑮᓇᐅᔭᓕᐅᕋᓱᖕᓂᕐᒧᑦ ᐱᕈᖅᐸᓪᓕᐊᓂᕐᒥᒃ! ᐱᓕᕆᖃᑦᑕᖅᓯᒪᓂᑯᑎᑦ ᐃᑲᔪᕈᓐᓇᖅᐳᑦ ᐃᓄᖕᓂᒃ ᐊᓂᒍᐃᑦᑎᐊᕐᓂᕐᒥᒃ!
Resumes@KAKIVAK.CA
ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.