ᐃᖅᑲᓇᐃᔭᕐᕕᐅᑉ ᐃᓗᐊᓂ/ᓯᓚᑖᓂ ᐱᓇᔪᒃᑕᐅᔪᓐᓇᖅᑐᑦ
ᐃᖅᑲᓇᐃᔮᖓ: ᓇᖕᒥᓂᖃᕐᓂᕐᒧᑦ ᐱᕙᓪᓕᐊᔪᓕᕆᔨᒻᒪᕆᒃ
ᐱᓕᕆᕝᕕᒃ: ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᓂᖅ
ᖃᓄᖅ ᐊᑯᓂᐅᑎᒋᓂᖓ: ᓇᓗᓇᐃᖅᑕᐅᓯᒪᙱᑦᑐᖅ ᓇᓃᓐᓂᖓ: ᐃᖃᓗᐃᑦ, ᓄᓇᕗᑦ
ᐅᒃᑯᐃᖓᔪᖅ: ᐃᓄᐃᑦ ᓄᓇᕗᒻᒥ ᐊᖏᕈᑏᑦ ᐊᑐᕐᓗᒋᑦ ᐱᔪᒥᒋᔭᐅᓂᖅᓴᐅᔪᑦ
ᒪᑐᕝᕕᒃᓴᖓ: ᓯᑎᐱᕆ 15, 2026
ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᒃ ᐱᓕᕆᖃᑕᐅᔪᒪᓇᔭᖅᐱᑦ ᐊᒻᒪ ᐃᓄᖕᓂᒃ ᐊᓂᒍᐃᖃᑕᐅᔪᒪᓇᔭᖅᐱᑦ? ᖃᐅᔨᒋᐊᕈᒃ ᑖᓐᓇ ᐱᕕᒃᓴᖅ ᑲᑭᕙᒃ ᑲᑐᔾᔨᖃᑎᒌᒃᑯᓐᓂ!
ᐃᓚᐅᕝᕕᒋᑎᒍᑦ ᑲᑭᕙᒃ ᑲᑐᔾᔨᖃᑎᒌᓄᑦ! ᐱᓕᕆᖃᑦᑕᖅᓯᒪᓂᑰᒍᕕᑦ ᓇᖕᒥᓂᕆᔭᐅᔪᓂᒃ ᐱᕙᓪᓕᐊᑎᑦᑎᓂᕐᒥᒃ, ᐃᑲᔪᕈᓐᓇᖅᐳᑎᑦ ᐃᓄᐃᑦ ᓇᖕᒥᓂᖁᑎᖏᓐᓂᒃ ᑲᔪᓯᓂᖃᑦᑎᐊᖁᓪᓗᒋᑦ ᐱᕈᖅᐸᓪᓕᐊᓗᑎᒡᓗ ᕿᑭᖅᑖᓗᖕᒥ. ᕿᓂᖅᐳᒍᑦ ᐱᓕᕆᐊᖃᓪᓚᕆᒍᒪᔪᒥᒃ ᖁᑦᑎᒃᑐᒦᓐᓂᖅᓴᒥᒃ ᓇᖕᒥᓂᕆᔭᐅᔪᓄᑦ ᐱᕙᓪᓕᐊᔪᓕᕆᔨᒥᒃ ᐃᓱᒪᒋᔭᖃᑦᑎᐊᖅᑐᒥᒃ ᐱᕚᓪᓕᖅᑎᑦᑎᓂᕐᒥᒃ ᓄᓇᓕᖕᓂ ᐱᕈᖅᐸᓪᓕᐊᓂᕐᒥᒃ ᖃᓄᐃᙱᑦᑎᐊᕈᓐᓇᕐᓂᕐᒥᒡᓗ ᐃᓄᐃᑦ ᓇᖕᒥᓂᖃᕈᓐᓇᕐᓂᖏᑎᒍᑦ.
ᑭᓇᒥᒃ ᕿᓂᖅᐱᑕ
- ᐃᓄᐃᑦ ᓯᓚᑦᑐᖅᓴᕐᕕᖕᒥ ᓯᓚᑦᑐᖅᓴᕐᕕᒡᔪᐊᒥᒡᓘᓐᓃᑦ ᐊᓂᒍᐃᔾᔪᑎᑖᖅᓯᒪᔪᑦ ᐅᕝᕙᓘᓐᓃᑦ ᐃᓕᑕᕆᔭᐅᔾᔪᑎᑖᖅᓯᒪᔪᑦ ᓂᐅᕐᕈᑎᖃᕐᓂᕐᒧᑦ, ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒧᑦ, ᐅᕝᕙᓘᓐᓃᑦ ᓄᓇᓕᖕᓂ ᐱᕙᓪᓕᐊᔪᓕᕆᓂᕐᒧᑦ; ᐊᔾᔨᐸᓗᖏᓐᓂᒃ ᐊᔪᙱᓐᓂᖃᕐᓂᖅ ᐃᓱᒪᒋᔭᐅᑐᐃᓐᓇᕆᐊᖃᕐᒥᔪᑦ.
- ᐊᕐᕌᒍᓂ ᑕᓪᓕᒪᐸᓗᖕᓂ ᐱᓕᕆᖃᑦᑕᖅᓯᒪᓂᑰᔭᕆᐊᖃᖅᐳᑎᑦ, ᐱᔪᒥᓇᕐᓂᖅᓴᐅᓪᓗᓂ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᒃ ᐊᒻᒪ ᐃᓅᓯᓕᕆᓂᕐᒥᒃ. ᐊᑲᐅᓇᔭᖅᑐᖅ ᐃᖅᑲᓇᐃᔭᖃᑦᑕᖅᓯᒪᒍᕕᑦ ᑮᓇᐅᔭᓕᐅᕋᓱᐊᖅᑎᐅᙱᑦᑐᓂᒃ, ᑐᑦᑕᕐᕕᒋᔭᐅᔪᓂᒃ, ᐅᕝᕙᓘᓐᓃᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᓄᓇᕗᒻᒥ.
- ᐱᓕᕆᖃᑦᑕᖅᓯᒪᓂᑰᓗᓂ ᐃᑲᔪᕐᓂᕐᒥᒃ ᕿᒥᕐᕈᓂᕐᒥᒡᓘᓐᓃᑦ ᑮᓇᐅᔭᖃᖅᑎᑕᐅᓂᕐᒧᑦ ᐱᓇᔫᑎᒋᔭᐅᔪᓂᒃ, ᑐᓐᓂᖅᑯᑕᐅᑐᐃᓐᓇᖅᐸᒃᑐᓂᒃ, ᐊᑐᖅᑐᐊᒐᒃᓴᓂᒃ, ᐱᓇᔪᒍᑕᐅᔪᓂᒃ, ᑳᓐᑐᓛᒋᔭᐅᔪᓂᒡᓘᓐᓃᑦ (ᐃᓚᒋᔭᐅᓗᓂ ᐱᑎᑦᑎᕙᖕᓂᕐᒥᒃ ᖃᓄᐃᓕᐅᖁᔨᓂᕐᓂᒃ ᖃᐅᔨᒋᐊᒃᑲᓐᓂᕐᓂᕐᒧᓪᓗ ᐃᑲᔪᖅᑐᐃᓂᕐᒥᒃ)
- ᓇᖕᒥᓂᖃᕈᓐᓇᑦᑎᐊᕐᓗᓂ, ᑐᓴᐅᒪᖃᑎᒌᒍᓐᓇᑦᑎᐊᕐᓗᓂ, ᐃᓄᖕᓂ ᑲᑎᖃᑎᖃᕈᓐᓇᕐᓗᓂ ᐊᒻᒪ ᐃᓅᖃᑎᖃᑦᑎᐊᕈᓐᓇᕐᓗᓂ, ᐃᓱᒪᒃᓴᖅᓯᐅᕈᓐᓇᑦᑎᐊᕐᓗᓂᓗ, ᖃᐅᔨᓴᕈᓐᓇᑦᑎᐊᕐᓗᓂ, ᐊᒻᒪ ᐋᖅᑭᒃᓱᐃᑦᑎᐊᕈᓐᓇᕐᓗᓂ ᐸᕐᓇᐃᔪᓐᓇᑦᑎᐊᕐᓗᓂᓗ.
- ᐊᐅᓚᑦᑎᔪᓐᓇᑦᑎᐊᖅᖢᓂ ᑎᑎᕋᕐᕕᖕᒥ ᐱᓕᕆᐊᒃᓴᓂᒃ ᐊᒻᒪ ᖃᕋᓴᐅᔭᓕᕆᔾᔪᑎᓂᒃ, ᓲᕐᓗ Microsoft Office, ᑮᓇᐅᔭᓕᕆᔾᔪᑎᓂᒃ, ᑐᓴᒐᒃᓴᓂᒃ ᑲᑎᖅᓱᐃᕝᕕᒃ, ᐊᒻᒪ ᐅᓂᒃᑳᓕᐅᕐᓂᖅ.
- ᑐᑭᓯᐅᒪᓂᖃᑦᑎᐊᕐᓗᓂ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ, ᐃᓕᖅᑯᓯᖏᓐᓂᒃ, ᐅᖃᐅᓯᖏᓐᓂᒃ, ᐊᒻᒪ ᐱᖅᑯᓯᖏᓐᓂᒃ. ᐃᓄᒃᑎᑐᑦ ᐅᖃᕈᓐᓇᑦᑎᐊᕐᓂᖅ ᐱᕚᓪᓕᕈᑎᒻᒪᕆᐅᕗᖅ.
ᖃᓄᐃᓕᐅᕋᔭᕐᒪᖔᖅᐱᑦ
- ᐃᑲᔪᕐᓗᒋᑦ ᐃᓄᐃᑦ ᓇᖕᒥᓂᖁᑎᖏᑦ ᐊᒻᒪ ᓇᖕᒥᓂᖃᖅᑎᑦ ᐱᒋᐊᓕᓵᖅᑎᓪᓗᒋᑦ ᐱᕈᖅᐸᓪᓕᐊᑎᓪᓗᒋᑦ ᐊᒻᒪ ᐊᖏᒡᓕᕙᓪᓕᐊᑎᓪᓗᒋᑦ.
- ᐃᑲᔫᑎᒃᓴᓂᒃ ᐊᒻᒪ ᐅᖃᐅᔾᔨᒋᐊᖅᐸᒡᓗᑎᑦ ᓇᖕᒥᓂᕆᔭᐅᔪᓄᑦ ᓲᕐᓗ ᐸᕐᓇᐃᓂᕐᒧᑦ, ᑮᓇᐅᔭᖃᖅᑎᑦᑎᓂᕐᒧᑦ, ᑮᓇᐅᔭᓂᒃ ᐊᐅᓚᑦᑎᓂᕐᒧᑦ, ᓂᐅᕐᕈᑎᖃᕐᓂᕐᒧᑦ, ᓂᐅᕕᕐᓂᕐᒧᑦ ᐱᖁᑎᓂᒃ, ᐊᒻᒪ ᒪᓕᒐᕐᓂᒃ ᒪᓕᑦᑎᐊᕐᓂᕐᒥᒃ.
- ᖃᐅᔨᒪᓕᕐᓗᒋᑦ ᐱᓕᕆᔾᔪᔾᔭᐅᕙᒃᑐᑦ, ᓄᓇᓕᖕᓂ ᐱᓕᕆᖃᑎᒋᔭᐅᔪᑦ, ᑮᓇᐅᔭᖃᖅᑎᑦᑎᔨᑦ, ᒐᕙᒪᒃᑯᓐᓄᑦ ᐊᐅᓚᑕᐅᔪᑦ ᐱᓕᕆᖃᑎᒌᑦ, ᐃᓄᐃᑦ ᑲᑐᔾᔨᖃᑎᒌᖏᑦ, ᐊᓯᖏᓪᓗ ᐱᖃᖃᑕᐅᔪᑦ.
- ᖃᐅᔨᓇᓱᒡᓗᒋᑦ ᐱᔨᑦᑎᕋᖅᑕᐅᔪᑦ ᐱᔭᕆᐊᖃᖅᑕᖏᓐᓂᒃ, ᖃᓄᐃᓕᐅᖁᔨᔾᔪᑎᓂᒃ ᓴᖅᑭᑦᑎᕙᒡᓗᑎᑦ, ᐃᑲᔪᖅᐸᒡᓗᒋᓪᓗ ᑮᓇᐅᔭᓂᒃ ᑐᒃᓯᕋᐅᑕᐅᔪᓂᒃ ᐊᒻᒪ ᑮᓇᐅᔭᓕᐅᕈᑕᐅᓇᓱᒃᑐᓂᒃ ᓂᕈᐊᕆᔭᖏᓐᓂᒃ.
- ᐱᓕᕆᐊᒃᓴᓂᒃ ᑲᒪᒋᔭᖃᖅᐸᒡᓗᑎᑦ ᓇᐅᑦᑎᖅᓱᖅᐸᒡᓗᒋᓪᓗ ᑮᓇᐅᔭᖃᖅᑎᑕᐅᔪᑦ ᓇᖕᒥᓂᕆᔭᐅᔪᑦ ᐃᑲᔪᕈᒪᓪᓗᒋᑦ ᑲᔪᓯᓂᖃᑦᑎᐊᖁᓪᓗᒋᑦ.
- ᐃᖅᑲᓇᐃᔭᖃᑎᑎᑦ ᐃᑲᔪᖅᐸᒡᓗᒋᑦ ᐃᑲᔪᖅᐸᒡᓗᒋᓪᓗ ᐱᓕᕆᐊᒃᓴᑦ, ᐱᔨᑦᑎᕋᐅᑎᑦ, ᐊᒻᒪ ᐱᓕᕆᔾᔪᓰᑦ ᐱᐅᓯᕚᓪᓕᖁᓪᓗᒋᑦ.
- ᐅᔾᔨᕐᓇᖅᓯᑎᒃᑲᓐᓂᕐᓗᒋᑦ ᑲᑭᕙᒃᑯᑦ ᐱᓕᕆᐊᒃᓴᖏᑦ ᐊᒻᒪ ᓇᖕᒥᓂᕆᔭᐅᔪᓄᑦ ᐃᑲᔪᖅᓱᐃᔾᔪᑎᑦ ᓄᓇᓕᖕᓂ ᑐᓴᐅᒪᑎᑦᑎᓂᒃᑯᑦ, ᑭᒃᑯᑐᐃᓐᓇᓂᒃ ᐱᓕᕆᑎᑦᑎᓂᒃᑯᑦ, ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ, ᐊᒻᒪ ᑲᑎᒪᑎᑦᑎᓂᒃᑯᑦ ᕿᑭᖅᑖᓗᖕᒥ.
ᐊᑭᓕᖅᑕᐅᓂᖅ
ᑮᓇᐅᔾᔭᒃᓵᖅ: $98,769.53−ᒥᑦ $123,461.89−ᒧᑦ
ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐆᒪᓂᕐᒧᑦ ᑐᓂᔭᐅᒃᑲᓐᓂᖅᐸᒃᑐᖅ $28,925−ᓂᒃ
ᐱᕚᓪᓕᕈᑕᐅᕙᒃᑐᑦ ᐃᓚᖃᖅᐳᑦ ᕿᑲᕆᐊᕐᓂᕐᒧᑦ ᓄᒃᑕᕐᓂᕐᒧᑦ ᑐᓐᓂᖅᑯᑕᐅᕙᒃᑐᓂᒃ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒍᑎᓕᕆᔭᐅᓂᕐᒧᓪᓗ ᐱᕙᒌᔭᖅᑕᐅᓯᒪᔪᓂᒃ, ᐃᓐᓇᖅᓯᐅᑎᑖᖅᑐᖃᖅᐸᖕᓂᖓᓄᓪᓗ.
ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑕᐅᙱᑦᑐᑦ.
ᐱᓇᔪᒍᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕈᓐᓇᖅᐳᑎᑦ: RESUMES@KAKIVAK.CA
ᐃᓄᐃᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.